Италийн Ром хотноо АНУ-ын иргэн Бью Соломон гэгч сураггүй алга болсон талаар “www.dailymail.co.uk” мэдээллээ. Тэрбээр ахынхаа хамтаар өнгөрөгч пүрэв гаригт Италид иржээ. Соломон 19 настай бөгөөд “University of Wisconsin-Madison”-ийн оюутан аж. Тэрбээр “John Cabot” их сургуулийн урилгаар Ром хотноо иржээ.  

Соломон өрөөнийхөө найзын хамтаар шөнийн клубээр үйлчлүүлж байхдаа сураггүй болжээ. Хүүгийн найзын ярьснаар “Би Соломоныг хамгийн сүүлд энэ сарын 3-ны шөнийн 1.00 цагт харсан. Түүн рүү олон удаа залгасан ч утсаа авахгүй байсан” гэж хэлжээ.

Түүнийг “John Cabot” их сургуулийн оюутнууд болон цагдаагийнхан хайж байна.  Соломоны ах Жак Соломон “Дүүг минь хайх ажилд олон хүн оролцож байна” гэж ярьжээ.

Ромын Цагдаагийн газар “Хүүг хайсаар байна. Түүний явсан газруудын хяналтын камерийг шалгаж байна. Мөн гэр бүлийнх нь хүсэлтээр нийгмийн сүлжээг нь шалгаж байна” гэж мэдэгдсэн байна.

Б.Дэлгэрцэцэг