НИТХ-ын Тэргүүлэгчид хуралдав. Хуралдаанаар НИТХ-ын анхдугаар хуралдааны товыг гаргалаа. 2016 оны сонгуулиар бүрдсэн НИТХ-ын долоо дахь удаагийн анхдугаар хуралдааныг 2016 оны долоодугаар сарын 6-ны 11.00 цагт товлолоо. Маргаашийн хуралдаанаар НИТХ-ын сонгуулийн дүн болон шинээр сонгогдсон төлөөлөгчдийн бүрэн эрхийг хүлээн зөвшөөрөх, НИТХ-ын Тэргүүлэгчдийн тоог тогтоох, сонгох асуудлыг хэлэлцэнэ.

Мөн энэ хуралдаанаар нийслэлийн Засаг дарга бөгөөд Улаанбаатар хотын захирагчид нэр дэвшүүлэх асуудлыг хэлэлцэнэ. МАН-аас хотын даргад нийслэлийн МАН-ын дарга Ц.Сандуй, УИХ-ын гишүүн асан Су.Батболд нарын нэрийг дэвшүүлээд байгаа юм.

В.Бат