Улаанбаатар
Машин шатаж, хүний амь эрсэджээ
2016-7-18

Өнгөрөгч  амралтын өдрүүдэд Улаанбаатар хотын Замын цагдаагийн газрын ЖШУХ дээр нийт 250 дуудлага мэдээ ирснээс зам тээврийн ослын 149 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 9 бүртгэгдэж, 15 хүн хүнд хөнгөн гэмтсэн байна.

 

СХД-ийн нутаг Товчооны зам, Сод Монгол ШТС-ын зүүн урд замд T.Raum маркийн авто машины жолооч Э нь T.Prius маркийн авто машин, H.Verna маркийн авто машинтай мөргөлджээ. Улмаар зорчигч есөн настай эмэгтэй М, 10 настай эрэгтэй Э, 2 настай эрэгтэй Э нарын 6 хүн гэмтсэн байна.

 

Мөн Төв аймгийн Сэргэлэн сумын нутаг Өндөр дов гэх газрын 37 км-н зүүн замд Зил-555 маркийн автомашин онхолдон шатаж, зорчигч 37 настай эрэгтэй Б-ийн амь нас хохирч,  гурван  хүн гэмтсэн хэрэг гарчээ.

 

Түүнчлэн согтууруулах ундааны зүйл хэрэглэсэн үедээ зам тээврийн осолд холбогдсон 3 жолоочийг хэв журам сахиулсан бол согтуугаар тээврийн хэрэгсэл жолоодсон 114 жолоочийг илрүүлж гарч болзошгүй осол хэргээс урьдчилан сэргийлж ажиллажээ.

 

Г.Тэгшсүрэн

Shuud.mn
Сонин хачин
Зочин:
Согтуугаар жолоо барьсан хөгий псдаануудыг шийгэл дээр нь нэмээд гудамж талбай угаалгаяаа.
2016-07-18