Дэлхийн допингийн эсрэг агентлаг буюу “WADA” өчигдөр ОХУ-ын тамирчдыг зуны “Рио 2016” олимпид оролцохыг хориглосон шийдвэр гаргасан билээ.
Тус агентлаг “Оросын тамирчид зохион байгуулалттайгаар сэргээш хэрэглэсэн” гэж мэдэгдсэн юм. “Рио”-гийн олимпт Оросын тамирчид оролцох эсэхийг Дэлхийн оломпийн хороо эцэслэн шийдэх билээ. Олимпийн хороо энэ долоо хоногтоо багтаан шийдвэрээ олон улсад танилцуулна. Тэгвэл “WADA”-ийн шийдвэрийг ОХУ-ын Ерөнхийлөгч В.Путин эрс эсэргүүцсэн талаар “TASS” агентлаг мэдээллээ.
Ерөнхийлөгчийн мэдэгдлийг Кремлийг ордны төв сайтад нийтэлсэн аж.
Путин “WADA”-ийн шийдвэр хэтэрхий улстөржсөн байна. Олимпийн наадам бүх тамирчдад нээлттэй болох ёстой. Та бүхний шийдвэр олон тамирчдад хүнд цохилт өгч, амжилтад нь саад учрууллаа. ОХУ-ын Засгийн газар сэргээш хэрэглэсэн тамирчдад хатуу хариуцлага тооцох болно” гэж мэдэгджээ.
Тэрбээр уг асуудлаар Дэлхийн олимпийн хорооны тэргүүн Томас Бахтай ярилцах болно гэдгээ мэдэгдсэн байна.
Б.Дэлгэрцэцэг
Уншиж байна |