УИХ-ын чуулганы нэгдсэн хуралдаанаар Батлан хамгаалахын сайдад  УИХ-ын гишүүн Б.Бат-Эрдэнийг томилох асуудлыг хэлэлцэв.  Хэлэлцэж байгаа асуудалтай холбогдуулан гишүүд асуулт тавьж, үг хэллээ. Гишүүд сайдад нэр дэвшигчдэд хандан цэргийн байгууллагын офицеруудын хангамжийг анхаарахыг хүсч байв.

УИХ-ын гишүүн О.Баасанхүү “Цэргийн байгууллагын улстөржилтийг зогсоогоорой. Намын цэрэг гэж байхгүй. Мэргэшсэн генералуудыг бодлогоор ажиллуулж яваарай” хэмээлээ.

Ингээд гишүүдийн 90.6 хувийн саналаар Батлан хамгаалахын сайдаар Б.Бат-Эрдэнийг   томиллоо.

Чуулганы хуралдаан үргэлжилж байна. 

Н.Энх