МАН-ын Удирдах зөвлөлийн хуралдаагүй байна. Тус намынхан Засгийн газрын 4 салбарын сайдад нэр дэвшүүлэх асуудалд нэгдсэн шийдэлд хүрээгүй байгаа бололтой. Засгийн газрын үлдсэн 4 сайдыг томилогдоо “дан дээл”-тэй буюу парламентын гаднаас томилох бодлогыг МАН барьж, цаашлаад жендерийн бодлогыг ч харгалзаж байгаа аж.
Тиймээс Эрүүл мэндийн сайдад дэвшүүлэхээс нэрийг нь түдгэлзүүлээд байгаа Ж.Цолмонг дахин өргөн барихаар болсон сурагтай. Учир нь тэрбээр салбартаа мэргэшсэн, туршлагатай улстөрч. Тэрбээр эрүүл мэндийн салбарт ажлын гараагаа асрагчаас эхэлж АУИС-д багш, эмч, олон улсын эрдэм шинжилгээний хүрээлэнд гадаад харилцааны дарга, дэд сайд хүртэл салбарынхаа бүх түвшинд ажилласан. Гадаад улс орнуудад мэргэжил эзэмшсэн, орос, англи, франц хэлтэй, өндөр боловсролтой, улстөрч эмэгтэй юм.
Түүнчлэн энэ салбарын сайдад УИХ-ын экс гишүүн Д.Очирбат, ХСҮТ-ийн захирал Л.Төмөрбаатар нарын нэр явж байгаа юм. УИХ-ын экс гишүүн Д.Очирбатын хувьд хүний эмч мэргэжилтэй эрхэм.
Мөн Хүнс хөдөө аж ахуйн, хөнгөн үйлдвэрийн сайдаар Ж.Саулегийн нэрийг өргөн барих гэнэ. Тэрбээр А.Сауле өмнө нь Хүнс , хөдөө аж ахуйн дэд сайдаар ажиллаж байсан, МАН-ын туршлагтай боловсон хүчний нэг.
Харин Эрчим хүчний сайдад МАН-ын нарийн бичгийн дарга Т.Гантулга яригдаж байгаа аж. Түүнийг өмнө нь Хүнс хөдөө, аж ахуй, хөнгөн үйлдвэрийн сайдар нэр дэвшинэ хэмээн таамаглал гарч байсан юм. Мөн энэ салбарын сайдаар УИХ-ын гишүүн Т.Очирхүүг томилогдох магадлалтай гэсэн сураг ч байна.
БХБ-ын сайдаар томилогдох магадлалтай эрхмээр УИХ-ын гишүүн Д.Цогтбаатарын нэр явж байгаа юм. Дипломатч мэргэжилтэй хэдий ч УИХ-ын гишүүн Д.Цогтбаатар өмнө нь энэ салбарт сайдаар ажиллаж байсан. Тус салбарыг бодлогын хувьд зангидаад аваад чадвар, туршлагатай гэж ажиглагчид үзэж байгаа юм.
Н.Нягт