Энхийг сахиулагчид Жанжин тугандаа хүндэтгэл үзүүллээ
2016-7-27

Гэрэл зургийг MPA.MN

 

БНӨСУ-ыг зорих энхийг сахиулагчид өнөөдөр Жанжин тугандаа хүндэтгэл үзүүллээ. Ёслолын арга хэмжээнд Батлан хамгаалахын сайд Б.Бат-Эрдэнэ болон албаны хүмүүс, энхийг сахиулагчдын гэр бүлийнхэн оролцлоо.

 

БНӨСУ дахь НҮБ-ын энхийг сахиулах ажиллагаанд энэ удаа Монголын Зэвсэгт хүчний IV ээлжийн мотобуудлагын батальоны 850 цэргийн алба хаагч үүрэг гүйцэтгэхээр бэлтгэлээ хангажээ.

 

Хурандаа Б.Бат-Эрдэнэ захирагчтай үүрэг гүйцэтгэх Монголын цэргийн багт Зэвсэгт хүчний 40 гаруй анги байгууллагын 700 гаруй, Үндэсний аюулгүй байдлыг хангах тусгайлсан чиг үүрэг бүхий ХХЕГ, ЦЕГ, ТЕГ, ОБЕГ, ШШГЕГ, ХСИС-ийн 100 гаруй алба хаагч багтжээ. 850 гаруй хүний бүрэлдэхүүнтэй цэргийн алба хаагчдын 40 гаруй хувь нь олон улсын болон НҮБ-ын мандаттай энхийг дэмжих ажиллагаанд оролцсон туршлагатай залуус бөгөөд 40 гаруй эмэгтэй алба хаагчид үүрэг гүйцэтгэнэ.

 

Манай улс 2012 оноос эхлэн БНӨСУ дахь НҮБ-ын энхийг сахиулах ажиллагаанд оролцож, нийтдээ 5 ээлжинд 4250 цэргийн алба хаагч үүргээ амжилттай гүйцэтгээд байна.

 

Shuud.mn
Сонин хачин
Зочин:
Жанжин гэж манж зүгийн үг юу?
2016-07-29