Сумо бөхийн Дэлхийн Аварга Шалгаруулах тэмцээн анх  удаа Монгол Улсад зохион байгуулагдах гэж байна. Тус тэмцээнийг үзэж сонирхохоор Японы мэргэжлийн сумогийн их аварга Хакухо М.Даваажаргал, Их аварга Харумафүжи Д.Бямбадорж, озеки Тэрүнофүжи Г.Ган-Эрдэнэ нар эх орондоо өчигдөр ирсэн.

Японы мэргэжлийн сүмогийн Нагоя башёд амжилттай барилдсан озеки Тэрүнофүжи Г.Ган-Эрдэнэ эх орондоо ирсэн даруйдаа аавынхаа төрсөн нутаг Увс аймгийн Нэгдсэн эмнэлэгт түргэн тусламжийн автомашин бэлэглэжээ.

Тэрүнофүжигийн бэлэглэсэн тус машин нь иж бүрэн тоног төхөөрөмжтэй ажээ. Сүмогийн их аварга, озеки нар Эрүүл мэндийн салбарт ийнхүү хөрөнгө оруулалт хийсээр байгаа юм. Түүний өмнөхөн Их аварга Хакүхо М.Даваажаргал гурван аймаг, нэг суманд дөрвөн машин бэлэглэсэн юм.

Г.Тэгшсүрэн