“Рио-2016” олимпийн наадмын чөлөөт бөхийн барилдаан энэ сарын 17-21-нд болно. Манай улсаас эмэгтэйчүүдийн 53 кг-д ДАШТ-ий мөнгөн медальт Э.Сумъяа, 58 кг-д ОУХМ П.Орхон, 63 кг-д олимпийн хүрэл медальт, дэлхийн хошой аварга, Монгол Улсын гавьяат тамирчин С.Батцэцэг, 69 кг-д ДАШТ-ий гурван хүрэл медальт, гавьяат тамирчин О.Насанбурмаа нар оролцох билээ.

Тэдний дасгалжуулагч Монгол Улсын гавьяат дасгалжуулагч, эмэгтэйчүүдийн шигшээ багийн дасгалжуулагч Б.Батбаяр фэйсбүүк хуудаснаа “Бид дөнгөж сая өглөөний цайгаа уучихаад бэлтгэлдээ гараад байна. Манай охид төлөвлөгөөний дагуу бэлтгэлээ сайн хийж байгаа. Сайхан хоол, цайгаар дайлсан Б.Байгалмаа эгчид талархлаа. Хоол амттай, байр тохилог сайхан байна” хэмээн бичжээ.

Г.Тэгшсүрэн