Өнгөрсөн шөнө ЧД-ийн нутаг Шадивлангийн зам, Шадивлангийн 1-37 тоот хашааны зүүн замд марк дугаар тодорхойгүй авто машины жолооч нь явган зорчигч 41 настай эрэгтэй Э-г мөргөж амь насыг хохироожээ.

Улмаар  хэргийн газрыг орхиж явсан байсныг цагдаагийн алба хаагчид эрэн сурвалжилсаны үр дүнд хэрэгтэнг илрүүлсэн байна. N.Patrol маркийн авто машины жолооч З нь согтууруулах ундааны зүйл хэрэглэсэн үедээ тээврийн хэрэгсэл жолоодон дээрхи хэргийг үйлдсэн болохыг олж илрүүлэн шалгаж байгаа аж.

Мөн Налайх дүүргээс хойш 21 дэх километрт Тэрэлжийн “Агуй хад” гэх газар асфальтан замд T.Mark-2 маркийн Э жолоочтой авто машин онхолдож жолооч 28 настай эрэгтэй Э-ийн амь нас хохирчээ.

Г.Тэгшсүрэн