Гадаад харилцааны сайд Ц.Мөнх-Оргил барилгачин болжээ. Тэрбээр яамны дэргэд байгуулж буй 75 хүүхдийн цэцэрлэгийн барилгын засварын ажилд өөрийн биеэр оролцож буй аж.
Улсын төсвийн хөрөнгөөр 75 хүүхдийн цэцэрлэг шинээр барьж байгуулахад 870 орчим сая төгрөг шаардлагатай байдаг аж. Мөн үйл ажиллагааны зардалд нь жилд 250-300 сая төгрөг шаарддаг гэх тооцоо бий. Харин Гадаад харилцааны яам албан хаагчдынхаа хандиваар энэ нийт санхүүжилтийн 20 хувийг босгож, цэцэрлэгийн тохижилтийг хийж эхэлсэн байна.