Нийслэлийн нийтийн тээврийг хөгжүүлнэ
2016-8-25

 

Нийслэлийн Засаг дарга бөгөөд Улаанбаатар хотын Захирагч С.Батболд Европын сэргээн босголт хөгжлийн банкны ОХУ, Төв Ази, Монголын хөрөнгө оруулалтыг хариуцсан газрын Дэд захирал, Ахлах банкир Светлана Радченког хүлээн авч уулзлаа. Уулзалтаар хамтын ажиллагааны талаар санал солилцов.

Европын сэргээн босголт хөгжлийн банкны ОХУ, Төв Ази, Монголын хөрөнгө оруулалтыг хариуцсан газрын Дэд захирал, Ахлах банкир Светлана Радченко “Юуны өмнө хотын даргын хариуцлагатай албан тушаалд томилогдсонд баяр хүргэе. Манай банк Улаанбаатар хоттой сүүлийн хоёр жил олон чиглэлээр хамтран ажиллаж байна. Улаанбаатар хоттой хамтран хатуу хог хаягдал боловсруулах, цэвэрлэх байгуулажийг шинэчлэх, нийтийн тээврийг хөгжүүлэх гэсэн тэргүүлэх чиглэлээр хамтран ажиллахаар тохиролцсон. Эдгээр ажлыг үргэжлүүлэн хэрэгжүүлэх талаар таны саналыг сонсмоор байна” гэлээ.

Харин нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хотын өмнө тулгамдаж байгаа гол асуудлуудыг олж харсанд таатай байна. Эдгээр төслүүдийг хамтран хэрэгжүүлэхдээ баяртай байх болно. Гэхдээ бидэнд судалгаа хийх хугацаа хэрэгтэй. Уг ажлууд дээр ажлын хэсэг байгуулж ажиллах болно. Түүний дараа тантай дахин уулзаж, асуудлаа тодорхой болгох хүсэлтэй байна. Орон сууцны хороолол, гэр хороололд хэсэгчилсэн цэвэрлэх байгууламж барих төслийг ямар байдлаар хэрэгжүүлэх тал дээр Та бүхний саналыг тусгах болно. Мөн нийслэлийн нийтийн тээвэрт олон чиглэл давхацсан, нэг чиглэл рүү хэтэрхий их ачаалалтай гэх зэрэг замбараагүй асуудал их байгаа. Үүнийг цэгцлэхэд ч Та бүхний оролцоо их байна. Цаашид олон чиглэлд хамтран ажиллах болно” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин
unen:
Kheden mikrog yavuulakhgui bj chadakhgui bj niitiin teever shinechlene ene ter gej khudlaa khutsaad yakhavdee
2016-08-25
bold:
Za yahav dee.Avtobusnii chiglel davhtsaad tuunees uudeltei zambaraagui baidal bii bolson yum baina.Ter asuudliig ene darga shiidej chadahgui tuslamj hussen l yum baina.Yu ni bolohgui gej
2016-08-25
xaxa yoo yoo eleg avlaa zailaaraimuu malaa:
Tamini ee kkk evrop tivees hun irj avtobusnii chiglel davhardaad bgaag yanzalj uguh yumuu kkk yaana daa yana manai mal tegeed yugii ni uuruu hiih yum boldoo kkk unendee ene namuudiin hulgaruud dendjee hairan ch uvug deedsiin mini ariun gal golomt
2016-08-25
Зочин:
тэр яах вэ? кондукторын үйлчилгээг бүрмөсөн халах ёстой шүү
2016-08-25