"Рио-2016” олимпийн наадамд оролцсон манай улсын баг тамирчид эх орондоо ирээд байна. Тус наадмын жүдо бөхийн төрөлд мөнгөн медаль хүртсэн МУГТ Д.Сумъяа, боксын төрөлд хүрэл медаль хүртсэн Д.Отгондалай нарыг өнөөдөр ХХЕГ-ын удирдлагууд хүлээн авч уулзлаа.

Энэ үеэр тус газрын удирдлагууд тив дэлхийд эх орныхоо нэрийг дуурсгасан тамирчдыг хоёр өрөө байраар шагнан урамшуулав.

Мөн олимпийн наадмын чөлөөт бөхийн эрэгтэйчүүдийн 65 кг-ийн жинд барилдаж шагналт V байрт шалгарсан  ДАШТ-ий хошой хүрэл медальт, гавьяат тамирчин Г.Мандахнаранд “Хүчит чулуут” ХХК-аас  хоёр өрөө байр бэлэглэжээ.

Г.Тэгшсүрэн