“Рио-2016” олимпийн чөлөөт бөхийн эрэгтэйчүүдийн 65 кг-ийн жинд  ДАШТ-ий хошой хүрэл медальт, гавьяат тамирчин Г.Мандахнаран зодоглосон. Тэрбээр дагах барилдаан хийж, хүрэл медалийн төлөө ДАШТ-ий мөнгө, Азийн наадмын хүрэл, Азийн АШТ-ий мөнгө, хүрэл медальт, Узбекстаны Наврузовтай барилдсан. Шүүгчид Узбекстаны бөхөд ялалтыг өгсөн.

Маргаан дагуулаад буй тус барилдаанд Г.Мандахнаранг ялсан гэж үзэж алтаар медаль цутгаж бэлэглэх хандивын аяныг Монголын чөлөөт бөхийн мастеруудын холбооноос эхлүүлсэн.

Тус аяны хүрээнд 19 хүн хандив өргөж, нийтдээ 20 сая 417 мянган төгрөг цугларчээ. Цугларсан мөнгийг өнөөдөр МУГТ Г.Мандахнаранд алтаар цутгаж урласан медалийн хамт гардууллаа.

Мөн “Хос гангийн оргил” ХХК-аас таван сая төгрөгийн үнэ бүхий  “Мizuno” брэндийн хувцас хэрэглэлийг гардуулан өгөв.

Дэлгэрэнгүй мэдээллийг эргэн хүргэнэ.

Г.Тэгшсүрэн