Холливуудын хамгийн сайхан хөлтэй алдартнуудыг олон нийтийн санал асуулгаар тодруулсан талаар “TMZ” сайт мэдээллээ. Уг санал асуулгад 100 гаруй эмэгтэй жүжигчин оролцжээ.

Санал асуулгаар жүжигчин Гемма Эртерсон, Пенелопе Круз, Катрин Зета Жонес, Маргот Робби, “Үнсгэлжин” киноны од Лили Жеймс, сахиусан тэнгэр Роси Хунтигтон нар тодорчээ.

Эдгээр уран бүтээлчид “Venice Film” кино наадамд оролцсон байна. Зарим интернэт хэрэглэгчид “Venice Film”-ийн зохион байгуулагчид наадмаа олны анхаарлыг татахын тулд дээрх санал хураалтыг явуулж, улмаар наадамд оролцсон бүсгүйчүүдээ жагсаасан хэмээн буруутгасан аж.

“Vogue” сэтгүүл 2014 онд “Холливуудын хамгийн сайхан хөлтэй эмэгтэйчүүд” гэх жагсаалтыг гаргаж байжээ. Уг жагсаалтад жүжигчин Пенелопе Круз, Катрин Зета Жонес нар багтаж байсан билээ.

Б.Дэлгэрцэцэг