Онцгой байдлын албанд шинэ тоног төхөөрөмж гардуулан өгөх ёслолын арга хэмжээ боллоо. Арга хэмжээнд Шадар сайд У.Хүрэлсүх, БНХАУ-аас Монгол Улсад суугаа Онц бөгөөд бүрэн эрхт Элчин сайд ноён Шин Хай Мин нар болон онцгой байдлын албаныхан оролцлоо.
БНХАУ-ын Засгийн газрын буцалтгүй тусламжаар олгож буй 2.8 тэрбум төгрөгийн өртөг бүхий тоног төхөөрөмжид гал унтраах автомашин, зөөврийн усан шахуурга /мотопомп/, үлээгч аппарат, үүргийн гал унтраагуур, хүрз зэрэг 10 орчим төрлийн 2400 гаруй багаж хэрэгсэл багтжээ.
Багануур дүүрэг, Баянхонгор, Дорнод, Хэнтий, Сүхбаатар, Төв аймгийн Онцгой байдлын газар ой, хээрийн түймэр унтраах автомашинаар паркаа шинэчиллээ.