БНХАУ-ын Шаньдун мужид үйл ажиллагаа явуулдаг химийн үйлдвэрт дэлбэрэлт болсон талаар “Синьхуа” агентлаг мэдээллээ.

Дэлбэрэлтийн улмаас тус үйлдвэрийн дөрвөн ажилтан амиа алдсан гэнэ.  Өндөр даралттай шингэн, хий дамжуулах, хадгалах зориулалттай төхөөрөмж гэнэт дэлбэрчээ.

Галыг унтраахаар 600 гаруй гал сөнөөгч ажиллаж буй бол цагдаагийнхан тус үйлдвэрийн эздийг түр саатуулаад байна. Уг үйлдвэр барилгын дулаан ба ус тусгаарлагч хөөс гаргаж авдаг бодисууд үйлдвэрлэдэг аж. 

Энэхүү ослоос гурван өдрийн өмнө Цинхай мужийн химийн үйлдвэрт дэлбэрэлт болж, зургаан хүн амиа алджээ. 

Б.Дэлгэрцэцэг