Гэр хорооллын дахин төлөвлөлтөөр иргэдийг орон сууцаар хангахаар гэрээ байгуулсан компаниуд барилгын ажлаа эхлээгүй 2-3 жил болж байгаа. Мөн түрээсийн мөнгөө сүүлийн хэдэн сард олголгүй иргэдийг хохироож байгаа асуудлаар СХД, БЗД-ийн иргэдийн төлөөлөл сэтгүүлчдэд хандан мэдээлэл хийсэн билээ. Иргэд Улаанбаатар хотын захирагч С.Батболдод, хүлээн авч уулзаж, өвлөөс урьтаж амьдрах байртай болгож өгөх хүсэлтийг уламжилж байсан юм.
Энэхүү хүсэлтийн дагуу Нийслэлийн Засаг дарга С.Батболд тушаал гаргажээ. Тушаалаар байгуулсан ажлын хэсэг Гэр хорооллын дахин төлөвлөлтийн улмаас хохирсон иргэдийг өнөөдөр хүлээн авч уулзахаар болжээ. Тус уулзалт өнөөдөр 14.00 цагт Гэр хорооллын дэд бүтцийн газарт болох юм байна.
Нийслэлийн хэмжээнд гэр хорооллын 24 байршилд 75 хэсэгчилсэн талбайд 34 аж ахуйн нэгж гэр хорооллын дахин төлөвлөлтийн төслийг хэрэгжүүлэхээр болсон. Төсөлд нийт 78 292 хүн хамрагдсан бөгөөд гэр хорооллын 1506 га талбайд дахин төлөвлөлт хийх юм.
Г.Тэгшсүрэн
Уншиж байна |