Ц.Мөнх-Оргил сайд Япон, БНСУ-д айлчилна
2016-9-26

Монгол Улсын Гадаад харилцааны сайд Ц.Мөнх-Оргил энэ сарын 27-30-ны өдрүүдэд Япон Улс, БНСУ-д тус тус айлчилна. Гадаад харилцааны сайд айлчлалын үеэр Японы Гадаад хэргийн сайд Ф.Кишида, БНСУ-ын Гадаад хэргийн сайд Юн Бён Сэ нартай яриа хэлэлцээ хийж, Засгийн газрын гишүүд, парламентын бүлэг, албаны хүмүүстэй ажил хэргийн уулзалт хийнэ.

 

Япон Улстай “Стратегийн түншлэлийн харилцаа”,  БНСУ-тай “Иж бүрэн түншлэл”-ийн харилцааг гүнзгийрүүлэн хөгжүүлэх хүрээнд хоёр орны худалдаа, хөрөнгө оруулалтыг нэмэгдүүлэх, эдийн засаг, соёл, боловсролын хамтын ажиллагааг бэхжүүлэх, иргэд хоорондын харилцааг өргөжүүлэхтэй холбоотой асуудлыг хэлэлцэж, олон улс, бүс нутгийн харилцан сонирхсон асуудлаар санал солилцоно.

 

Гадаад харилцааны сайдын Япон Улс, БНСУ-д хийх айлчлал нь манай улсын “гуравдагч хөрш” орнуудтай улс төр, эдийн засгийн харилцаагаа бэхжүүлж, худалдаа, хөрөнгө оруулалтыг дорвитой өсгөх, хилийн чанад дахь манай иргэдийн эрх ашгийг хамгаалах чиглэлээр тавьж буй зорилтыг хэрэгжүүлэх, бүс нутгийн олон талт хамтын ажиллагаанд Монгол Улсын оролцоог нэмэгдүүлэх ач холбогдолтой гэж Гадаад Харилцааны Яамнаас мэдээллээ.

Shuud.mn
Сонин хачин
Зочин:
Хүн алж хүрээ талсан ялнаас мултарч улсаа зарсан энэ мэт нь МАН-ын үед л үеийн үед мандан бадрах юм. МАН бүгдээрээ тийм болохоороо л хувааж иддэг нь үнэн болоод байна даа
2016-09-26
Zochin:
Ehleed hoyor hurshuudteigee uchiraa oloochee. Erdenechuluun said asanyg zuvluheer avaarai.
2016-09-26