Байгууллагын халаалтыг маргаашнаас өгнө
2016-9-30

2016-2017 онд “Улаанбаатар дулааны сүлжээ” ТӨХК-иас Улаанбаатар хотын хэмжээнд нийт 2059 орон сууцны барилга халаалт авна. Үүнээс есдүгээр сарын 15-ны байдлаар 1720 барилгад, 65 цэцэрлэгээс 52 цэцэрлэгт, 124 сургуулиас 107 сургууль, 13 эмнэлэгт халаалт өгчээ.Харин албан байгууллага, аж ахуйн нэгжүүдийн халаалтыг аравдугаар сарын нэгнээс өгөх юм байна.

 

Тус компани албан байгууллага, аж ахуйн нэгжтэй “Дулааны эрчим хүчээр хангах, хангагдах” гэрээ байгуулан ажилладаг бөгөөд биелэлт 65.9 хувьтай байгаа гэж мэдээллээ. Өнөөдөр гэрээ байгуулах хугацаа дуусч, аж ахуйн нэгж байгууллагын  халаалтыг өгч эхлэх юм. Мөн халаалт болон халуун ус тасалдах, доголдохтой холбоотой гомдол санал хүсэлтийг шуурхай удирдлагын 7004-7005 дугаарын утсаар 24 цагийн туршид хүлээн авч шийдвэрлэж байгаа аж.

Shuud.mn
Сонин хачин