ХААН Банкны нэрэмжит оюутны тэтгэлэгт хөтөлбөрт урьж байна
2016-10-4

 

 

“ХААН Банкны нэрэмжит оюутны тэтгэлэгт хөтөлбөр”-т 2,3,4–р курсын сурлагын амжилт, нийгмийн идэвхээр манлайлагч оюутан таныг урьж байна.

 

ХААН Банк Сан 2007 оноос хойш “ХААН Банкны нэрэмжит оюутны тэтэгэлэг хөтөлбөр”-ийг 9 жилийн турш амжилттай хэрэгжүүлэн нийт 1300 шилдэг оюутанд сургалтын төлбөрийн тэтгэлэг олгоод байна.

 

 

Энэ жилийн хувьд нийт 120 оюутан залуусыг “ХААН Банкны нэрэмжит тэтгэлэг хөтөлбөр”-т шалгаруулан тэтгэлэг олгож байгаа бөгөөд үүний эхлэл болох шинэ оюутанд зориулсан тэтгэлэг нь 2016 оны хавар зарлагдаж сурагчийн ширээнээс их, дээд сургуулийн оюутан болж байгаа залууст хүрсэн.

 

 

“ХААН Банкны нэрэмжит оюутны тэтгэлэгт хөтөлбөр”-ийн 2,3,4–р курсын оюутнуудын дунд зарлагдаж буй уг тэтгэлэгт хөтөлбөрт Монгол Улсын магадлан итгэмжлэгдсэн их, дээд сургуулийн бакалаврын зэргийн 2,3,4–р курсын оюутнуудаас шалгаруулж шилдэг 40 оюутанд сургалтын төлбөрийн тодорхой хувийг тэтгэлгээр олгоно.

 

Тавигдах шаардлага:

 

  • Магадлан итгэмжлэгдсэн их, дээд сургуулийн бакалаврын зэргийн 2,3,4–р курсын  оюутан байх;
  • Сурах хүсэл эрмэлзэлтэй, анги хамт олноо сурлагын амжилтаар тэргүүлэгч байх /сурлагын голч дүн 3,0 буюу түүнээс дээш/;
  • Оюутны эрдэм шинжилгээний хурал, илтгэл, уралдаан тэмцээнд тодорхой амжилттай оролцсон бол давуу тал болно;
  • Нийгэм олон нийтийн ажил, урлаг спортын тэмцээн бусад арга хэмжээнд оролцон байх;
  • Өрхийн орлого зэргийг харгалзан үзнэ.

 

Бүрдүүлэх материал:

 

  • Тэтгэлэг хүсэгчийн анкет /анкетыг www.khanbank.com хаягаас татаж авна уу /;
  • Их, дээд сургуулийн тодорхойлолт /элссэн он, анги зэргийг заасан/;
  • Их, дээд сургуулийн дүнгийн хуулбар /сургуулийн захиргаагаар баталгаажуулсан/;
  • Их, дээд сургуулийн 1 багшийн тодорхойлолт;
  • Хувь хүний хөгжил, улс орны ирээдүйн талаар чөлөөт сэдвээр 400 үгтэй эссэ бичих;
  • Өрхийн орлогыг батлах тодорхойлолт зэргийг ирүүлнэ.

 

Материал хүлээн авах: 2016.10.17-ны өдрийн 18:00 цаг хүртэл Төв ХААН Банкны ресепшин хүлээн авч,   2016.10.31-ний өдөр шалгарсан 40 оюутны нэрийг ХААН Банкны албан ёсны цахим хуудас www.khanbank.com -д байршуулна.

 

 

 

Жич: Хүлээн авсан материалыг буцаан олгохгүй ба хугацаа хоцорсон болон дутуу бүрдүүлсэн материалыг хүлээн авахгүй.

 

Дэлгэрэнгүй мэдээллийг 332-333 (3534), 9900-8217 утсаар лавлана уу!

Shuud.mn
Сонин хачин