Баянзүрх дүүргийн МАН-ын дарга, НИТХ-ын төлөөлөгч Э.Бат-Амгалан өнгөрсөн сард зам тээврийн осол гаргасан байна. Тэрбээр Хан-Уул дүүрэгт согтуугаар машин жолоодож яваад бусдын машиныг мөргөж, жолоочийг нь гэмтээжээ. Тус хэрэг бүрэн шийдэгдээгүй бөгөөд Баянзүрх дүүргийн МАН-ын дарга Э.Бат-Амгалан мөнгөөр зохицуулахаар “гүйж яваа” сурагтай.
Ослын үеэр Э.Бат-Амгалан “Би Баянзүрх дүүргийн МАН-ын дарга. Надад зам тавьж өгөх ёстой” хэмээн томорсон аж. Мөн хохирогч болон цагдаагийн албан хаагчийг хэл амаар доромжилсон гэнэ.
Түүний үйлдсэн ослыг Хан-Уул дүүргийн Хөдөлгөөний аюулгүй байдлыг хангах хэлтсийн ахлах байцаагч, ахмад Бямбадорж баталж, "Баянзүрх дүүргийн МАН-ын дарга Э.Бат-Амгалан гэх хүн зам, тээврийн осол гаргасан нь үнэн. Шалгаж байгаа" гэх мэдээллийг өгсөн байна.
М.Болд
Уншиж байна |