Мэдээллийн МОНЦАМЭ агентлагийн даргаар томилогдсон сэтгүүлч Б.Ганчимэг өнөөдөр тамгаа хүлээн авлаа. Б.Ганчимэг нь АТГ-аас ашиг сонирхлын зөрчилгүй тул уг ажлыг хийж болно гэсэн шийдвэрийн дагуу ийнхүү ажлаа хүлээн авав.
Б.Ганчимэг нь 95 жилийн түүхтэй МОНЦАМЭ агентлагийн 17 дахь удирдлага юм байна. Мөн хоёр дахь эмэгтэй захирал нь болон очжээ.
1921 онд гүн Б.Цэдэвсүрэн анхны МОНТА мэдээний газрын даргаар томилогдсоноос хойших хугацаанд Сампилын Жалан-Аажав, Лхагважавын Зантав, Чойдорын Түмэндэлгэр, Санжийн Баяр, Чулуунбатын Эрдэнэ, СГЗ Баарангийн Пүрэвдаш, Сүхбаатарын Амарсанаа, Тугалхүүгийн Баасансүрэн, Сүхбаатарын Алтанцэцэг нар тус байгууллагыг удирджээ. 2012 оноос нийтлэлч А.Баатархуяг МОНЦАМЭ агентлагийн даргын албыг хашиж байсан юм.