Ж.Бямбадоржийг ХЭҮК-ын даргаар улируулан томилов
2016-11-17

УИХ-ын чуулганы үдээс хойшхи хуралдаан эхэллээ. Хуралдааны эхэнд ХЭҮК-ын  даргад нэр дэвшүүлэх асуудлыг хэлэлцэж байна. УИХ-ын дарга ХЭҮК-ын даргад нэр дэвшүүлэн танилцуулдаг байна. ХЭҮК-ын даргад Ж.Бямбадоржийг санал болгожээ. Ж.Бямбадорж нь Ховд аймгийн Дарви суманд төрсөн. УИХ-ын гишүүн, УИХ-ын дэд даргаар ажиллаж байсан.  Хуульзүйн байнгын хороогоор энэ асуудлыг хэлэлцээд дэмжсэн байна. УИХ-ын чуулганы үдээс өмнөх хуралдаанаар Ж.Бямбадоржийг ХЭҮК-ийн комиссын гишүүнээр улируулан томилсон юм.

 

Хэлэлцэж байгаа асуудалтай холбогдуулан асуулт асууж, үг хэлэх гишүүн байсангүй. Тиймээс Хуульзүйн байнгын хорооноос гаргасан саналын дагуу эхлээд ХЭҮК-ын  үүрэгт ажлаас  Ж.Бямбадоржийг чөлөөлөх тухай УИХ-ын тогтоолын төслийг батлав. Дараагаар нь ХЭҮК-ийн даргад улируулан томилох санал хураалт явууллаа. Гишүүдийн олонхийн саналаар ХЭҮК-ын даргаар Ж.Бямбадоржийг томилохыг дэмжсэн юм.

 

Чуулганы хуралдаан үргэлжилж байна.

Н.Энх

Shuud.mn
Сонин хачин