АНУ-ын Ерөнхийлөгч Барак Обама өчигдөр Герман улсад төрийн айлчлал хийхээр хүрэлцэн ирсэн талаар “CNN” агентлаг мэдээллээ.

Тэрбээр Берлин хотноо ирсэн даруйдаа тус улсын Канцлер Ангила Меркелтэй уулзсан байна. Удирдагчид цаг орчим уулзсаныхаа дараа хэвлэлийнхэнд хамтарсан мэдэгдэл хийжээ.

Мэдэгдлийн эхэнд Канцлер “Америкчууд саяхан шинэ тэргүүнээ сонголоо. Та бүхнийг сонголтыг хүлээн зөвшөөрч байна. Герман улс АНУ-тай хамтран ажиллаж, найрсаг харилцаагаа үргэлжлүүлэх болно. Тун удахгүй АНУ-ын шинэ төрийн тэргүүнтэй уулзана хэмээн итгэж байна” гэж хэлжээ.

Сэтгүүлчид Ерөнхийлөгч Обамагаас "Дональд Трамп Оростой хамтын ажиллагаагаа өргөжүүлэх бодолтой байгаа гэсэн?” хэмээн асуусан байна.

Уг асуултад Обама “Бидний хийсэн бүхнийг Трамп бусниулах ёсгүй. Тэрбээр хуулинд заасан үүргийнхээ дагуу дэлхийн бүх улстай найрсаг харилцаатай байх ёстой” гэж хариулжээ.

Тэрбээр "Оросын хакерууд АНУ-ын төрийн байгууллагуудыг хакердсан хэрэг хэд хэдэн удаа гарсан” гэсэн байна.

Б.Дэлгэрцэцэг