Афганистаны нийслэл Кабул хотноо өчигдөр орон нутгийн цагаар 12.30 цагт халдлага гарсан талаар “Ройтерс” агентлаг мэдээллээ. Халдлагын улмаас 27 хүн амиа алдаж, 50 хүн шархтсан гэнэ.
Террористууд Кабул хотын баруун хэсэгт байрлах шийтийн шашинтнуудын сүмд халдлага үйлдсэн байна. Халдлага болсон сүмд шашны арга хэмжээ зохион байгуулагдаж байжээ. Иргэд мөргөл үйлдэж байхад 20 орчим насны залуу өөрийгөө егүүтгэсэн аж.
Энэхүү халдлагын цаана Иракийн хэт даврагч “Халифын вант улс” бүлэглэл бий хэмээн эрх баригчид мэдэгдлээ.
Тус бүлэглэл исламын шашнаас өөр шашин шүтдэг иргэдийг гол байгаа болгож, алан хядах ажиллагаа зохион байгуулах нь нэмэгджээ.
Б.Дэлгэрцэцэг
Уншиж байна |