Тайландын Бангкок хотноо 2016 оны бодибилдинг, фитнессийн ДАШТ болж өндөрлөлөө. Уг тэмцээнд манай улсын 16 тамирчин, нэг олон улсын шүүгч оролцсон.

Тэмцээний мэгтэйчүүдийн атлетик ангилалд оролцсон манай тамирчин, ДАШТ-ий алтан медальт ОУХМ Г.Угалзцэцэг дахин алтан медаль хүртэж хошой аварга боллоо. Мөн эмэгтэй модель ангилалд /Women's Fitness Physique up to 160cm/  оролцсон манай тамирчин А.Ичинноров алтан медаль хүртэж дэлхийн аварга цолтон болсон.

Түүнчлэн эмэгтэйчүүдийн фитнесс ангилалд оролцсон тамирчин Б.Бадамсүрэн хүрэл медаль, эрэгтэйчүүдийн насанд хүрэгчдийн 65 кг-ийн ангилалд өрсөлдсөн ОУХМ Л.Саруулбат хүрэл медаль хүртсэн амжилт тус тус үзүүллээ.

Энэ удаагийн ДАШТ-д 59 орны 600 гаруй тамирчин бие бялдар, ур чадвараараа өрсөлдсөн юм.

Г.Тэгшсүрэн