Ойрхи Дорнодод хяналтаа тогтоохыг санаархаж буй Иракийн хэт даврагч “Халифын вант улс” бүлэглэлийн толгойлогч Бакар аль Багдадиг амиа алдсан хэмээн   “www.dailymail.co.uk” мэдээллээ.

Уг мэдээллийг анхлан Их Британийн нийслэл Лондон хотноо төвтэй Сирийн хүний эрхийн байгууллагын мэдээллээс иш татан “Jersusalem Post” сонин мэдээлжээ.

Исламын улсын Ирак дахь нийслэл гэгдэх Мосул хотноо байхдаа амиа алдсан хэмээн тус хэвлэл мэдээлжээ. Иракийн армийнхан олон улсын дэмжлэгтэйгээр өнгөрсөн сарын 7-ноос эхлэн Мосул хотыг чөлөөлөхөөр тэмцэж эхэлсэн юм.  

Багдади эхнэр болон гурван хүүхдийнхээ хамтаар Мосул хотноо бүгэж байхдаа хүнд шарх авч, улмаар амиа алдсан гэнэ. Өмнө нь Багдадиг амиа алдсан хэмээн олон улс мэдээлж байсан юм.

Б.Дэлгэрцэцэг