УИХ-ын чуулганы үдээс хойшхи хуралдаан эхэллээ. Үдээс хойшхи хуралдаанаас гишүүн Б.Бат-Эрдэнэ, Н.Энхболд, Д.Сарангэрэл нарын гишүүн чөлөө авчээ. УИХ-ын дэд дарга Ц.Нямдорж гишүүдийг хуралдааны танхимд орж ирэхийг шаардаж, “Д.Гантулга гишүүн хаана байна. Л.Оюун-Эрдэнэ гишүүн ээ, Гантулга миний анхаарлыг татаж байгаа шүү. Би өөрт нь хэлсэн” хэмээн давхар анхааруулав. УИХ-ын гишүүн Д.Гантулга, Л.Оюун-Эрдэнэ нар энэ парламентын хамгийн залуу гишүүд. УИХ-ын чуулганы үдээс хойшхи хуралдаан өглөөний ирцийн бүртгэлээр явагддаг.

Чуулганы хуралдаанаар Хил хамгаалах хуулийн төслийн анхны хэлэлцүүлгийг үргэлжлүүлэн хийх юм. Эдүгээ УИХ-ын гишүүн Б.Дэлгэрсайхан асуулт тавьж, хариулт авч байна.

Н.Энх