Зам тээврийн ослын улмаас өнгөрсөн өдөр 10 хүн хүнд хөнгөн гэмтэж, 1 хүний амь нас хохирсон байна.

Тодруулбал БЗД-ийн нутаг Цагдаагийн академийн гудамж, Автобусны буудалд H.Aerocity автобусны жолооч Ж нь явган зорчигч Д-г мөргөж амь насыг нь хохироосон хэрэг гарчээ.

Мөн СХД-ийн нутаг Баруун салааны замд амины T.Pruis маркийн автомашины жолооч З нь согтууруулах ундааны зүйл хэрэглэсэн үедээ тээврийн хэрэгсэл жолоодож T.Corolla маркийн автомашинтай мөргөлдөж, зорчигч нарын 3 хүн гэмтсэн байна.

Түүнчлэн гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 49 жолоочийг илрүүлж гарч болзошгүй осол хэргээс урьдчилан сэргийлж ажиллажээ.