ОХУ-ын Ерөнхийлөгч В.Путин АНУ-ын 45 дахь Ерөнхийлөгчөөр сонгогдож, энэ сарын 20-ны өдөр тангарагаа өргөх Дональд Трампад шинэ оны баярын мэндчилгээ дэвшүүлж, баяр хүргэсэн талаар “Ройтерс” агентлаг мэдээллээ.
Путин “Шинэ ерөнхийлөгч Трамп болон шинэ Засгийн газрын гишүүдэд шинэ оны баярын мэнд хүргэе” гэсэн байна.
Тэрбээр “Трамп Ерөнхийлөгч болсноор ОХУ, АНУ-ын харилцаа шинэ шатандаа хүрнэ гэдэгт итгэлтэй байна” гэж хэлжээ. Путиний мэндчилгээнд талархаж буйгаа Трамп өөрийн твиттер хуудсаараа дамжуулан мэдэгдсэн аж.
Харин тэрбээр өнөөгийн Ерөнхийлөгч Барак Обамад шинэ оны мэндчилгээ дэвшүүлээгүй аж.
Обама шинэ оны өмнө ОХУ-ын эсрэг хэрэгжүүлж буй эдийн засаг, худалдааны хоригийнхоо хугацааг сунгах шийдвэрт гарын үсэг зурсан билээ.
Б.Дэлгэрцэцэг
Уншиж байна |