Холливуудын нэрт жүжигчин Брэд Питт, Анжелина Жоли нар өнгөрсөн оны есдүгээр сард Лос Анжелесийн шүүхэд салах өргөдлөө өгч, олныг гайхшруулсан билээ. Хос ямар шалтгааны улмаас салсан нь өнөөг хүртэл хэвээр байгаа бөгөөд Жоли зургаан хүүхдээ өсгөж байгаа юм.

Мөн Брэдийг хүүхдүүдтэйгээ хэрцгий, ёс бус харьцдаг байсан гэх мэдээллээс үндэслэн Холбооны мөрдөх товчоо жүжигчин эрийг хэсэг шалгасан билээ. “Брэдийг хүүхдүүдтэйгээ ёс бус харьцдаг байсан гэх нотолгоо олдоогүй учир уг хэргийг хаахаас болсон” хэмээн Холбооны мөрдөх товчоо мэдээлсэн юм.

Тэгвэл Брэд, Жоли нар анх удаагаа хамтарсан мэдэгдэл хийсэн талаар  “www.dailymail.co.uk” сайт мэдээллээ.

Хос хэвлэлийн хурлын үеэр “Хүүхдүүдээ хайр халамжаар дутаахгүй өсгөх болно. Энэ бол бидний эцсийн шийдвэр. Мөн зарим асуудал дээр бид өмгөөлөгчөөрөө дамжуулан шийдэх болно. Үлдсэн аливаа асуудлыг шүүх шуурхай шийдвэрлэнэ хэмээн итгэж байна” гэж мэдэгдсэн байна.

Хос 2005 онд “Ноён, хатагтай Смит” кинонд тоглож, удалгүй хамтран амьдрах болсон билээ. 2014 оны долоодугаар сард хуримаа хийсэн юм.

Б.Дэлгэрцэцэг