Монголын байгальд тэрбум төгрөгийн хохирол учраад байна
2017-1-12

 

Ховд, Говь-Алтай аймгийн нутагт тархан нутагшдаг Монгол бөхөн богийн мялзан өвчний улмаас олноороо үхэж, сэг зэмийг устгах ажил үргэлжилж байна. БОАЖЯ-ны мэргэжилтний өгсөн мэдээллээр одоогоор 700 гаруй бөхөнгийн сэг зэмийг устгаж, ариутгал хийгээд буй аж. Монгол бөхөн малын мялзан өвчнөөр үрэгдэж буй анхны тохиолдол энэ аж. Өмнө нь 2001 оны зудаар өвс тэжээлгүйгээс үрэгдэж, бөхийн тоо толгой 750 хүртлээ буурсан гэдгийг Дэлхийн байгаль хамгаалах сангийн Монгол дахь Хөтөлбөрийн газрын мэргэжилтэн Н.Энхбаяр хэлж байна.

 

 

Засгийн газрын 2011 оны тогтоолоор ан амьтны экологи, эдийн засгийн үнэлгээг тогтоосон. Тус тогтоолд монгол бөхөнгийн эрийг 2 сая төгрөг, эмийг 2.2 сая төгрөгөөр үнэлсэн байдаг.  Энэ үнэлгээгээр тооцож үзвэл Монголын байгаль, экологид тэрбум гаруй төгрөгийн хохирол учраад байна.

 

Дэлхийн байгаль хамгаалах сангийн Монгол дахь Хөтөлбөрийн газрын өгсөн мэдээллээр Монгол орны хэмжээнд 2014 оны байдлаар 13800 тоо толгой бөхөн бий аж. Энэ онд бөхөнгийн тооллого хийгдэх юм байна.

 

В.Бат

 

Shuud.mn
Сонин хачин