Засгийн газрын ээлжит хуралдаан болж байна. Хуралдаанаар “Алт-2” хөтөлбөрийг хэлэлцэж байгаа юм байна.  Хуралдааны үеэр УУХҮ-ийн сайд Л.Дашдоржоос энэ талаар тодруулахад:

-Засгийн газрын үйл ажиллагааны мөрийн хөтөлбөрт “Алт-2” хөтөлбөрийг тусгаж өгсөн. Мөн Эдийн засгийг сэргээх хөтөлбөрийг Засгийн газар УИХ-аар батлуулсан. Энэ хөтөлбөрт “Алт-2 хөтөлбөрийг тусгаж өгсөн. Эдийн засгийн хүндрэлээс гарахад алтны олборлолтыг нэмэгдүүлэхээр тусгасан. Энэ үүдээс холбогдох яамдтай хамтран хөтөлбөр боловсруулж, Засгийн газарт өргөн мэдүүллээ.

Алтны олборлолтыг жил бүр нэмэгдүүлэхээр тусгасан. Жилдээ 2-5 тонноор нэмэгдүүлж, 2020 он гэхэд алтны нөөцийг 100-150 тонныг улсад бэлтгэж өгөхөөр тусгасан. Байнгын болон дэд ажлын хэсгүүдтэй.  Хөрөнгө санхүүг Монгол банк, Сангийн яам шийдвэрлэнэ. Хууль эрхзүйн орчныг тогтвортой байхаар төслийг боловсруулсан.

Н.Энх