Өнгөрсөн өдөр зам тээврийн ослын улмаас 11 хүн хүнд хөнгөн гэмтсэн байна.

Тухайлбал БЗД-ийн нутаг Дарь эхийн зам, Шилэн соёмбо ХХК-ны зүүн замд N.Vanette маркийн авто машины жолооч Д нь H.Avante маркийн М жолоочтой авто машинтай мөргөлдөж жолооч 29 настай эрэгтэй М нарын 3 хүн гэмтжээ.  Жолооч М нь согтууруулах унааны зүйл хэрэглэсэн үедээ тээврийн хэрэгсэл жолоодсон болохыг замын цагдаагийн алба хаагчид тогтоожээ.

Мөн Архангай аймгийн Их тамир сумын нутаг Таван тээг гэх газрын асфальтан замд T.Landcruiser маркийн Н жолоочтой авто машин онхолдож 49 настай эрэгтэй Н-ийн амь нас хохирч 3 хүн гэмтсэн байна.

Энэ сарын 29-нд Өмнөговь аймгийн Ноён сумаас урагш 10  км шороон замд T.Landcruiser  маркийн Б жолоочтой авто машин онхолдож жолооч 59 настай эрэгтэй Б-ийн амь нас хохирч 1 хүн гэмтсэн хэрэг гарсан.

Г.Тэгшсүрэн