Сонгинохайрхан дүүрэгт байрлах найман нэрийн хүнсний дэлгүүр дээрэмдсэн хэрэг гарчээ.

Тодруулбал, Тус  дүүргийн нэгдүгээр хорооны нутаг дэвсгэрт байрлах хүнсний дэлгүүрийн цонхыг хагалан их хэмжээний эд зүйл хулгайлсныг Сонгинохайрхан дүүрэг дэх Замын цагдаагийн хэлтсийн зохицуулагч цагдаагийн ахмад Д.Балжинням, дэд ахлагч Ц.Билгүүн, дэд ахлагч С.Тэсхүү нар шуурхай эрэн сурвалжилж илрүүлжээ.

Уг хэргийг Сонгинохайрхан дүүргийн 25 дугаар хороонд оршин суух хаягтай, 17 настай Х нь бусадтай бүлэглэн үйлдсэн нь тогтоогдоод байгаа аж.

Хэргийг Сонгинохайрхан дүүргийн цагдаагийн нэгдүгээр хэлтэст шалгаж байна.

Г.Тэгшсүрэн