НҮБ-д суугаа ОХУ-ын төлөөлөгч Виталий Чуркин өчигдөр гэнэт нас барсан талаар “CNN” агентлаг мэдээллээ.
Уг мэдээллийг ОХУ-ын Гадаад хэргийн яамны хэвлэлийн алба баталжээ. Ажил дээрээ байхад нь Чуркиний биеийн байдал эрс муудсан гэнэ. Албаныхан элчийг зүрхний шигдээсээр нас барсан хэмээн мэдэгдэв.
Чуркин 65 нас хүрэхээсээ нэгхэн өдрийн өмнө ийнхүү таалал төгслөө.
Кремлийн хэвлэлийн алба Чуркиний гэр бүлд эмгэнэл илэрхийлсэн байна. ОХУ-ын Ерөнхийлөгч В.Путин “Виталий Чуркин бол гайхалтай дипломатч байсан. Түүний хичээнгүй бас тууштай зан нь олны хүндлэл хүлээсэн” гэсэн бол НҮБ дахь АНУ-ын төлөөлөгч Никки Хэли “Үнэхээр харамсалтай зүйл боллоо” гэж мэдэгджээ.
Чуркин 2006 оноос хойш эх орноо төлөөлөн НҮБ-д элчээр ажиллах болсон юм.
Б.Дэлгэрцэцэг
Уншиж байна |