АНУ-ын тусгай хүчин өчигдөр 17.00 цагийн орчимд Йемен улсад хяналтаа тогтоохыг санаархаж буй алан хядах “Аль Кайди” бүлэглэлд агаараас цохилт өгсөн талаар Пентагон мэдээллээ. Тусгай хүчин террористуудын хяналтад байгаа Йемений хойд хэсэгт цэргийн ажиллагаа явуулсан байна. Террористуудын байршилд 20 удаа цохилт өгч, их хэмжээний хохирол учруулжээ.
Уг цэргийн ажиллагааны үеэр “Аль Кайди” бүлэглэлийн 100 гаруй дайчныг устгасан талаар албаныхан өгүүлэв. “Хоути”, “Аль Кайди” зэрэг алан хядах бүлэглэлүүд өнгөрсөн 2014 оны долоодугаар сард Йеменд хяналтаа тогтоохыг санаархах болсон юм.
Йемений эрх баригчид Вашингтоноос цэргийн тусламж үзүүлэхийг гуйсанаар Пентагон тус улсад хяналтаа тогтоохыг санаархаж буй террористуудад агаараас цохилт өгөх болсон юм.
“Тус улсын нөхцөл байдал тайван болох хүртэл АНУ, Йемен рүү явган цэргээ оруулахгүй хэмээн АНУ-ын экс Ерөнхийлөгч Барак Обама өмнө нь мэдэгдсэн удаатай.
Б.Дэлгэрцэцэг
Уншиж байна |