Улаанбаатар
Путин, Трамп нарын уулзах тов гарлаа
2017-3-13

 

ОХУ-ын Кремлийн хэвлэлийн төлөөлөгч Дмитрий Песков “Ерөнхийлөгч В.Путин болон АНУ-ын Ерөнхийлөгч Дональд Трамп нар ирэх долоодугаар сард уулзана” хэмээн мэдэгдсэн талаар “TASS” агентлаг уламжлав. Герман улсад ирэх долоодугаар сард “Их 20” дээд хэмжээний уулзалт зохион байгуулагдах билээ.

 

Уг уулзалтад Путин, Трамп нар оролцох бөгөөд тэд энэ үеэр ганцаарчилсан уулзалт хийж магадгүй талаар Песков мэдэгдлийнхээ үеэр дурьджээ. Трамп Ерөнхийлөгчөөр сонгогдоод удаагүй байхдаа Путинтэй зөвхөн утсаар ярьсан билээ. Удирдагчид 50 минут ярилцсан боловч хэзээ уулзахаа тохироогүй юм.

 

Саяхан ОХУ-ын Гадаад хэргийн сайд Сергей Лавров, АНУ-ын Төрийн нарийн бичгийн дарга Рекс Тиллерсон нар уулзсан билээ. Уг уулзалтын үеэр сайд нар удирдагчдын дээд хэмжээний уулзалтын талаар хэлэлцсэн гэнэ.

 

 

Б.Дэлгэрцэцэг 

Shuud.mn
Сонин хачин