Сонгуулийн өмнөхөн МАН-ын удирдлагуудын төрийн албанаас хэрхэн 60 тэрбумыг “босгох” тухай бичлэг тарж, багагүй асуудал дагуулсан. Тэгвэл уг бичлэгийг олон нийтэд дэлгэсэн МАХН-ын Ерөнхий нарийн бичгийн дарга Э.Эрдэнэжамъян өнөөдөр эл асуудлаар мэдээлэл хийлээ.
Тэрбээр 60 тэрбумын асуудлыг гэмт хэргийн шинжтэй үйлдэл хэмээн үзэж буй учраас хяналтын байгууллагаар шийдүүлэх ээлжит алхмуудаа хийнэ гэдгээ хэлж байв.
Э.Эрдэнэжамъянд Хан-Уул дүүргийн иргэний шүүхээс нэмэмжлэл иржээ. Уг нэхэмжлэлд Алтанхуяг овогтой Ганбаатар гэх хүн нэр хүнд гутаасан мэдээлэл цацсан учраас уучлалт гуйхыг Э.Эрдэнэжамъянгаас шаардсан байна.
Нэхэмжлэлд хавсаргасан Нийслэлийн прокурорын газрын тогтоолын талаар МАХН-ын Ерөнхий нарийн бичгийн дарга тодорхой мэдээлэл өгөв.
Тэрбээр: Тухайн үед бидний дуу хоолойг эвллүүлсэн байна гэж тайлбарлаж байсан. Гэтэл Нийслэлийн прокуроын газарт өгсөн мэдүүлэгтээ “Өөрсдийнх нь дуу хоолой мөн. Тухайн үед намынх нь стратегийн боловсруулж байсан нэр бүхий хүмүүс энэ бичлэгийг гар утсан дээрээ хийж, цааш дамжуулсан. Ингээд А.Ганбаатарыг сүрдүүлж, 20 сая төгрөг нэхэмжлээд тухайн хүний данс руу хийсэн гэх мэтээр бүх нотлох баримтаа цагдаа прокурорт мэдүүлсэн байна. Үүн дээр “Ц.Сандуйн өгсөн мэдүүлэг дээр хоёр жилийн өмнө намын үйл ажиллагааны стратеги төлөвлөгөө боловсруулах баг ажиллаж байхад болсон яриаг эвлүүлсэн. Гурван хүн л сонгуульд орох стратеги төлөвлөгөөг гардан боловсруулах албан бус баг болж ажиллаж байсан юм” гэжээ. Өөрөөр хэлбэл, МАН-аас сонгуульдаа бэлдсэн баг байсан юм гэдгийг хэлж байгаа” гэв.
В.Бат
Уншиж байна |