Улаанбаатар
Хулгайч нарыг үйлдэл дээр нь барьжээ
2017-3-14

Сүхбаатар дүүрэг дэх цагдаагийн нэгдүгээр хэлтсийн алба хаагчид хулгайн гэмт хэргийг үйлдэл дээр нь илрүүллээ.

 

Орон сууцны вакум цонхыг түлхэн орж LCD, LED зурагт хулгайлдаг 18 настай О /эрхэлсэн тодорхой ажилгүй/, түүнд тээврийн хэрэгслээр үйлчилж, хамт хулгайн гэмт хэрэг үйлддэг 21 настай Б /оюутан/ нарыг үйлдэл дээр нь барьсан байна. Сэжигтэн Б, О нар нь энэ сарын 12-13-нд шилжих шөнийн 01:00 цагийн орчимд Сүхбаатар дүүргийн долоодугаар хорооны нутаг дэвсгэрт байрлах орон сууцны нэгдүгээр давхрын айлын цонхоор нэвтэрч, эд зүйл хулгайлахаар завдаж байхад нь цагдаагийн алба хаагчид баривчилжээ.

 

Сэжигтэн Б, О нар нь С гэгчтэй нэгдэн хулгайн гэмт хэрэг үйлддэг байна. Тэдгээр этгээдийн холбогдсон 11 удаагийн үйлдэлтэй хэргүүд Баянзүрх дүүрэг дэх цагдаагийн хоёрдугаар хэлтэс, Сонгинохайрхан дүүрэг дэх цагдаагийн хоёрдугаар хэлтэст шалгагдаж байгаа бөгөөд хэргүүдийг нэгтгэн Сонгинохайрхан дүүрэг дэх цагдаагийн хэлтэст үргэлжлүүлэн шалгах юм.

 

Сэжигтнүүд “Тэр айлын цонх бага зэрэг нээлттэй гэмээр түлхээд ороход боломжтой харагдсан. Бид тухайн үед согтууруулах ундааны зүйл хэрэглэсэн байсан болохоор орчихсон. Айлаас хулгайлсан зурагтаа иргэдэд зардаг, хэрэв авахгүй бол барьцаалан зээлдүүлэх газарт тавьдаг” гэж мэдүүлжээ.

 

Иргэд та бүхнийг сонор сэрэмжтэй байх, эд зүйлсээ “урт гартнууд”-аас хамгаалахын тулд өөрөөс шалтгаалах арга хэмжээнүүдийг авах, цонх, хаалганы бэхэлгээ, хамгаалалтаа сайжруулах, гэр, орноо эзэнгүй орхисон тохиолдолд хөршүүд, хамаатан садандаа мэдэгдэх, эд зүйлээ хулгайд алдсан тохиолдолд цагдаагийн байгууллагад цаг алдалгүй хандахыг анхааруулж байна.

Shuud.mn
Сонин хачин
zochin:
nuur tsarai g sain haruulj niigemd tsochroo ugch jigshuuleh heregtei sh de, busad orond sejigten geed shuud l tsaraig n haruuldag yum bilee, manaid hunii erh ,ner tur enee teree geed l hutsatsgaah bh da
2017-03-15
Зочин:
Хулгайчдын нүүр царайг яагаад нууцалдаг юм бол
2017-03-14
Зочин:
gariin olon niitiin omno tasd!
2017-03-14