АНУ-ын Ерөнхийлөгч Дональд Трамп өчигдөр БНХАУ-ын эрх баригчдад зориулан мэдэгдэл хийсэн талаар “www.dailymail.co.uk” сайт мэдээллээ.

Тэрбээр “Хэрвээ Хойд Солонгосын асуудалд БНХАУ хамтран ажиллахгүй бол АНУ дангаараа шийдэх болно” гэж мэдэгджээ.

Трамп “Хойд Солонгосын үүсгээд буй нөхцөл байдлыг БНХАУ намжааж чадахгүй бол АНУ биечлэн оролцохоос өөр сонголтгүй. АНУ бие дааж Хойд Солонгосын цөмийн хөтөлбөрийг царцаах цаашлаад зогсоох арга хэмжээ авах болно. Тиймээс БНХАУ-ын эрх баригчид миний хүсэлтэд хариу өгөх хэрэгтэй” гэж хэлсэн байна.

БНХАУ-ын дарга Си Зиньпин энэ долоо хоногт АНУ-д очиж, Флорида мужид зохион байгуулагдах арга хэмжээнд оролцоно. Энэ арга хэмжээний дараа тэрбээр Трамптай уулзах юм. Удирдагчид Хойд Солонгосын цөмийн хөтөлбөрийн талаар ярилцах билээ.

Б.Дэлгэрцэцэг