УИХ-ын чуулганы нэгдсэн хуралдаанаар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай болон Төрийн албаны тухай хуульд нэмэлт оруулах тухай хуулийн төслийн эцсийн хэлэлцүүлгийг хийж байна. Хэлэлцэж байгаа асуудалтай холбогдуулан гишүүд асуулт тавьж, хариулт авч байгаа юм. Гишүүн Ц.Даваасүрэн “Франц улс энэ асуудлыг оффшор гэсэн агуулгаар бус мөнгө угаах, татвараас зайлхийх, орлогоо нуун дарагдуулах зүйл ангиар зохицуулж байгаа гэсэн. Манайд заавал бүсчилэн зааж өгч байна уу?гэсэн асуултад ажлын хэсгийн ахлагч Х.Нямбаатар:
-Монгол Улсын хүчин төгөлдөр үйлчилж байгаа Эрүүгийн хуулийн тусгай ангид татвараас зайлхийх, мөнгө угаах зүйл анги заасан байдаг. Бид судалгааны байгууллагуудаар судалгаа хийлгэсэн. Санхүүгийн ил тод байдлыг тайлагнадаг байхаар Франц хамгийн сүүлд хуульчилсан байдаг. Хятад улсад энэ асуудлаар хууль үйлчилж байгаа. Оффшор бүсүүдтэй орнуудтай төр засгийн хэмжээнд уулзалт хийж, хуулийг чангатгаж байгаа юм билээ хэмээлээ. Гишүүн О.Баасанхүү:
-Панамын баримтаар үндэслэлгүй хөрөнгөжсөн гээд байх юм. Үүнийг үндэслэлгүй гэвэл шийдээд өгөх хэрэгтэй. Данс нээж байгаад хаасан гээд байна. Оффшор бүс гээд юуг хэлээд байна. Гадаадад данс нээж болохгүй гэсэн үг үү? Хуулийн байгууллага яагаад ажлаа хийхгүй байна вэ? Панамын баримт гэсэн дээр манай хүмүүсийн нэр яваад байх юм. Гэр бүлийн хүмүүст хариуцлага хүлээнэ гэжээ. Бусдын өмнөөх хариуцлага хүлээс ёстой юу? Үүнийг яаж зохицуулж байгаа вэ?
-Нийтийн албан нийтийн болон хувийн ашиг сонирхлыг хуульчилж оруулдаг. Үндсэн хуульд заасан эрхүүдийн талаар энэ хуульд байгаа. Оффшортой холбогдсон асуудлыг хуулиар хориглох шаардлагатай байгаа. Панамын баримтад манай гишүүдийн ах дүү,төрөл төрөгсдийн нэр дурдагдсан. Тиймээс хамаарал бүхий хүмүүсийг оффшорт данстай байхыг хориглох хязгаарлал хийж өгсөн.
Харин АТГ-ын албан хаагч “Гарсан мэдээллийг судалж байгаа. Нэр дурдагсан хүмүүсээс асуулга авсан. Баримтаар батлагдсан тохиолдолд эрүүгийн хэрэг үүсгэх боломжтой” хэмээв. Гишүүн Ж.Батзандан:
-Засгийн газраас дахин өргөн барьсан. Нийгмийн зүгээс шахалтад орсон. Засгийн газарт тодорхой чиг үүрэг хүлээлгэж байгаа. Хуулийн төсөлд албан тушаалтан болон тэдний хамрал бүхий этгээд нь маргаан дагуулж байгаа. Энэ асуудал Үндсэн хуулийн цэцэд очсон байгаа. Хуулийн дагуу шийдэгдэх байх гэв. Гишүүн Ө.Энхтүвшин:
-Байнгын хорооны хуралдаан дээр яригдсан асуудлаар хамаарал бүхий этгээд гэдэгт багтах хүмүүс 100 мянгаас хол давж байна. Энэ бүхнийг шалгаж, тогтоож байх уу. Хамааралгүй хүмүүсийг шалгаж явсаар хамааралтай хүмүүс нь ард хоцрох вий дээ. Хүмүүс томилогдож чадахгүй гацах вий. Албан тушаалтнуудын хамрах хүрээ хэр байх вэ? Хууль гаргасны ач холбогдол байхгүй болчих вий. Үүнд хэдэн мянган хүн хамрагдах вэ? гэсэн асуулт тавив. УИХ-ын гишүүн Х.Нямбаатар:
-Нийтийн албанд ажиллаж байгаа 38900 хүн АТГ-т өөрөө мэдүүлэг өгөх ёстой. Эдгээр хүмүүс хэн нь хэдэн хамаатан садантайг бид өнөөдөр тодорхойлоогүй. Хамгийн гол нь нийтийн албанд хориглолт тогтоож байгаа. Хууль бусаар хөрөнгөжсөн тохиолдолд шалгана.
АТГ-ын дэд дарга н.Нямдорж:
-Хуулиар харъяалагдсан үүргийн дагуу албан хаагчдад хуваарилалт хийнэ. Үйл ажиллагааг зохицуулаад явах боломжтой.
Ийнхүү гишүүд асуулт тавьж, хариулт авч байна.
Н.Энх
Уншиж байна |