Сирийн Ерөнхийлөгч Башар аль Ассад өчигдөр “EPA” агентлагт сүүлийн үеийн асуудлаар ярилцлага өгсөн талаар “www.dailymail.co.uk” сайт мэдээллээ. Тэрбээр ярилцлагынхаа эхэнд Армийнхан хэзээ ч иргэдийн эсрэг химийн зэвсэг ашиглахгүй. Би амлаж байна” гэж мэдэгджээ.

Сирийн босогчдын хяналтад байгаа Идлиб мужийн Хан Шейхун хотноо химийн зэвсэг ашиглаж, 88 хүн амиа алдаж, 500 орчим хүн хордоод буй юм.

АНУ, Их Британи тэргүүтэй орнууд Ассадын цэргүүд химийн зэвсэг ашигласан хэмээн буруутгаж буй бол ОХУ-ын эрх баригчид эрс үгүйсгэж байна.

Ассад ярилцлагынхаа үеэр “Миний нэр хүндэд халдах гэсэн оролдлого. Химийн зэвсэг ашиглах ямар ч шаардлага байхгүй. Бид ард түмнээ хамгаалахыг зорьж байна. Энэхүү ард террористууд эсвэл босогчид бий. Бурхан буруутанг шийтгэх байх” гэж хэлжээ.

Б.Дэлгэрцэцэг