АНУ түүхэндээ анх удаагаа хамгийн том, цөмийн бус бөмбөг болох “GBU-43”-ийг террористуудын эсрэг ашигласан билээ. Тус улс уг бөмбөгийг 2003 онд туршсанаас хойш довтлогоонд ашиглаагүй болохыг Пентагон уламжлав.
Уг бөмбөгийг тус улсын эрх баригчид "Эх бөмбөг" хэмээн нэрийддэг бөгөөд “GBU-43” нь нийт есөн метрийн урттай, 10 тонн жинтэй аж. Пентагон уг бөмбөгийг Афганистан дахь Иракийн хэт даврагч “Халифатын вант улс” бүлэглэлийн байршилд цохилт өгөхөд ашигласан байна.
Тэгвэл уг цэргийн ажиллагааны үеэр Исламын улсын 36 дайчин амиа алдсан болохыг Афганистан дахь АНУ-ын цэргийн командлагч Жон Николсон мэдэгджээ. “GBU-43”-ийг амжилттай туршсаны дараахан АНУ-ын Ерөнхийлөгч Дональд Трамп Цагаан ордонд сэтгүүлчдийг хүлээн авч, “Би дайчдаараа бахархаж байна” гэж хэлсэн байна.
Б.Дэлгэрцэцэг