“Ард түмний онц түр зөвлөл” төрийн бус байгууллагаас “Хуулиа дээдэлье, оффшорчдыг шалга” жагсаалыг Сүхбаатарын талбайд зохион байгуулсан бөгөөд үргэлжлүүлэн суулт зарлаад байна.

Суулт зарласан иргэдийн нэг 23 настай залуугийн биеийн байдал муудаж, цагдаагийн байгууллагын тусламжтайгаар эмнэлэгт хүргэгджээ.

Өнгөрөгч бямба гарагийн 14:00 цагт уг жагсаал эхэлсэн. Хуулийн дагуу жагсаал, цуглаан 16:40 цагт тарсан ч хэсэг иргэд суулт зарлаж, зохих зөвшөөрөлгүйгээр өнөөдрийг хүртэл суултыг үргэлжлүүлээд байгаа юм.

Суулт гурав дахь өдрөө үргэлжилж байна. Цаашид иргэдийн биеийн байдал муудаж, эрүүл мэндэд нь хохирол учирвал хууль бус суулт зарласан “Чөлөөт ахмадын холбоо”-ны тэргүүн Г.Баасан, “АТОЗ”-ийн ерөнхий зохицуулагч С.Батчулуун, нар хариуцлага хүлээх үү.

Г.Тэгшсүрэн