Цагдаагийн ерөнхий газар, Шүүхийн шийдвэр гүйцэтгэх ерөнхий газраас ирүүлсэн мэдээллээр энэ оны IV сарын байдлаар Монгол Улсын нутаг дэвсгэрт гадаадын 14 иргэн гэмт хэрэгт холбогдон шалгагдаж байна. Тэдний 8 нь БНХАУ-ын, 3 нь БНСУ-ын, 2 нь Казахстан, 1 нь ОХУ-ын иргэн байна.

Өнгөрсөн III сарын 29-ний өдрийн байдлаар гадаадын 10 /ОХУ-1, БНХАУ-4, БНСУ-3, АНУ-1, БНКазУ-1/ иргэн баривчлах, цагдан хорих байранд хоригдож байгаа бол 7 улсын 22 /ОХУ-2, БНХАУ-11, Украйн-2, Малайз-4, Сингапур-1, Румын-1, Бангладеш-1/ иргэн ял эдэлж байна.

Харин гадаадын 25 иргэн гэмт хэрэгт өртөж хохирчээ. Тэдний 13 нь БНХАУ-ын, 3 нь ОХУ-ын,  5 нь АНУ-ын, 1 нь БНСУ-ын, бусад улсын 3 иргэн байна. 

В.Бат