Ухаалаг систем төрийн үйлчилгээг шуурхай болгоно
2017-04-18

 

Монгол Улсын санхүүгийн гол түнш байгууллагуудын нэг болох Азийн хөгжлийн банк манай улсын зам, тээврийн салбарын хөгжилд хувь нэмэр оруулж, томоохон төсөл хөтөлбөрүүдэд хамтран ажиллаж эхэлжээ.

 

Зам, тээврийн хөгжлийн сайд Д.Ганбат Азийн хөгжлийн банкны төлөөлөгчид болон техникийн туслалцааны төслийн багийн ахлагч нартай өнөөдөр уулзаж, хэрэгжиж буй төслүүдийн талаар харилцан санал солилцлоо. Азийн хөгжлийн банкнаас “Тээврийн ухаалаг систем” төсөл болон “Замын хөдөлгөөний аюулгүй байдлыг сайжруулах” төслийн талаар танилцуулга хийж, цаашид хийж хэрэгжүүлэхээр төлөвлөж буй ажлуудаа сайдад танилцууллаа.

 

Уулзалтын үеэр Монгол Улсын Засгийн Газрын 2016-2020 оны үйл ажиллагааны хөтөлбөрт “Эрэлтэд нийцсэн, хүрээлэн байгаа орчинд ээлтэй тээврийн ухаалаг систем нэвтрүүлнэ” хэмээн тусгасан байдаг талаар сайд Д.Ганбат мэдээлэл өглөө. Тэрээр хот хоорондын нийтийн тээврийн үйлчилгээ үзүүлж буй тээврийн хэрэгслийг GPS-ийн төхөөрөмжөөр хянадаг болсон нь автотээврийн салбарын үйл ажиллагааг цахимжуулах эхлэл болсон талаар онцолж байв. Мөн тээвэрлэлтийг хөнгөвчлөх, хурдасгах, нэмэгдүүлэх,замын хөдөлгөөний аюулгүй байдлыг сайжруулах, бодит тоон мэдээлэл дээр үндэслэсэн тооцоолол гаргахын тулд зам, тээврийн салбарын тоон мэдээллийн санг үүсгэж, шаардлагатай програмыг хөгжүүлэх шаардлагатай байгаа тул уг ажлыг төсөлдөө багтаан хэрэгжүүлэх саналтай байгаагаа илэрхийллээ.

 

Тээврийн салбарт ухаалаг системийг нэвтрүүлснээр төрийн үйлчилгээг шуурхай хүргэх боломж бүрдэж, Монгол Улсын зам, тээврийн салбарын хөгжилд ихээхэн хувь нэмэр оруулна гэдгийг Азийн хөгжлийн банкны төлөөлөгчид хэлж байлаа.

 

НҮБ-ын Ерөнхий Ассамблейгаас 2011-2020 оныг “Замын хөдөлгөөний аюулгүй байдлын жил” болгон зарлаж, Монгол Улсын Засгийн газраас 2012 онд “Замын хөдөлгөөний аюулгүй байдлыг хангах үндэсний стратеги”-ийг батлан хэрэгжүүлж байгаа. Энэ хүрээнд нас барсан хүний тоо 7 хувь, гэмтсэн хүний тоо 9.8 хувь тус тус буурсан үзүүлэлттэй бөгөөд “Замын хөдөлгөөний аюулгүй байдлыг сайжруулах” төслийг хэрэгжүүлснээр ослын тоог илүү бууруулах боломжтой болох юм.

 

Азийн хөгжлийн банкнаас Замын хөдөлгөөний аюулгүй байдалд аудит хийх тогтолцоо бүрдүүлэх, чадварлаг хүний нөөцийг бэлтгэх, автотээврийн хэрэгслийн парк шинэчлэх, баруун талдаа жолооны хүрдтэй автомашины тоог үе шаттай бууруулах зэрэг арга хэмжээг зохион байгуулж эхлээд байгаа аж.

 

Цаашид хоёр талын хамтын ажиллагааг тээврийн салбарт өргөжүүлэн хөгжүүлэхэд санал, санаачилга гаргаж, идэвхийлэн хамтран ажиллахаар боллоо.

Shuud.mn
Сонин хачин
Зочин:
Манай терийн уйлчилгээ гэж маш хунд суртлын бай болсон газардаа! Ардчиллын жилуудэд ч тийм л байсан, харин Эрдэнийн Батуулийг хотын захирагч байхад овоо урагштай болж ирсэн, одоо бол буцаад хуучнаасаа дор орчихжээ! Саяхан БЗ дуургийн Улсын буртгэлийн албан дээр очиж ул хедлехийн гэрчилгээ хеецелдехед мэдээлэл егчих ажилтангуй учир ажлаа хийж байгаа хумуусээс ганц нэг мэдээлэл авах гэж беен юм болов. Ажлаа хийхийн хажуугаар хуний асуусанд хариулахыг хичээж байсан ажилтнуудад нь баярлалаа. Уг нь мэдээлэл егех ажилтан байдаг бол ажлаа хийж буй хумуусийг ч бусдыг ч бухимдуулахгуй байх бололцоо баймаар... Гэхдээ ажилтнуудынх нь хунтэй харьцаж байгаа харьцаа гэж ярдаг нохой шиг л юмаа! Уг нь уйлчлуулж байгаа хумуусийн уйлчлуулсэний хелс, татвар телегчдийн телсен татвараас цалинжиж байж еерсдийгее тэжээж байгаа хумуустэй ьоловсон зев харьцаж сурмаар л юмдаа... Засаг дарга, тамгын газрынхан нь анхаармаар л юм шиг байналээшуу!!!!
2017-04-18