Өнгөрсөн парламентын тулхтай, тууштай гишүүдийн нэгээр нэрлэгдэж байсан С.Одонтуяа өдгөө Баянгол дүүргийг удирдаж буй. Тэрбээр Баянгол дүүргийг эрүүл, аюулгүй жишиг дүүрэг болгох зорилгыг тавин, ажиллаж байна. 

Тиймээс өглөө бүр 07 цагт хороодоороо явж, нөхцөл байдалтай танилцаж байгаа аж. С.Одонтуяа дарга албатуудтайгаа нийлэн, ажлын хэсэг байгуулж, 1,2,4,6, 7, 8, 16,17,18,19 дүгээр хорооны үйл ажиллагаа, нутаг дэвсгэрийн орчин, нөхцөлтэй танилцсан байна. 

Тэрбээр "Хороо бүхэнд сул зай талбайг дарсан төмөр контейнер, зөвшөөрөлгүй буусан ТҮЦ болон зам талбайн гэрэлтүүлэг, замын нөхөн сэргээлт, авто машины зогсоол, явган хүний зам зэрэг асуудал байна" гээ энэ асуудлыг ирэх 4 жилийн хугацаанд бүрэн шийдвэрлэж, эрүүл, цэмцгэр жишиг дүүрэг болохыг зорьж буйгаа илэрхийлэв.