Монгол Улсын Ерөнхийлөгчийн ээлжит сонгууль ирэх зургаадугаар сарын 26-ны өдөр болно. Ерөнхийлөгчийн сонгуульд парламентад суудалтай намууд төлөөллөө нэр дэвшүүлэх хуулийн заалттай. Энэ дагуу МАН, МАХН, АН-ууд Ерөнхийлөгчид нэр дэвшигчдээ тодрууллаа.
МАН-аас тус намын дарга, УИХ-ын дарга М.Энхболд, АН-аас УИХ-ын гишүүн асан Х.Баттулга, МАХН-аас намын дарга Н.Энхбаяр нар Монгол Улсын тав дахь Ерөнхийлөгчийн төлөө өрсөлдөхөөр боллоо.
Сонгуулийн тухай хуулиар улс төрийн намууд нэр дэвшигчдээ энэ сарын 2-6-ныг дуустал бүртгүүлэх учиртай. Хуулийн хугацаа маргааш дуусгавар болно.
В.Бат